Liburugileak
Argitaletxeak
Euskal Herria : Boltxe Kolektiboa — Erroa — Haria — Hatsa — Herrima — Lapurdi 1609 — Maiatz — Nabarralde — Sare Antifaxista — Zortziko
Frantzia : Asymetries — Bout de la Ville — Café Creed — Divergences — Entremonde — La Lenteur — iLatina — Miskin — Nada — Otium — Réfractions — Sabot — Smolny — Tendances Négatives — Yeast Games
Belgika : Petites singularités
Idazleak
Andrea Bella García — Auxtin Zamora — Jone Bordato — Kepa Etchandy — Mathieu Léonard — Sabin Oregi Zarautz — Yohann Villanua
Liburu-denda
Boltxe kolektiboa
Liburuak euskaraz eta gaztelaniaz argitaratzen dituen argitaletxea, marxismo iraultzailearen, antikolonialismoaren eta askapen-borrokaren inguruan. Katalogoak herri-mugimenduen historia aztertzen du, 1936-1939ko Palestinako iraultzatik hasi eta Euskal Herriko borroka armaturaino, komunismoaren klasikoak (Lenin, Marx, Giap) eta kapitalismoaren inguruko analisi kritikoak ahaztu gabe.
Ongi etorri Boltxe azokara!
Erroa argitaletxea
Erroa, Zenbat Gara kultur elkartearen ekimenetik sortutako argitaletxe berria da. Elkarte horrek euskara eta euskal kulturarentzako hainbat gune sortu ditu dagoeneko (Kafe Antzokia, euskaltegiak…). Argitaletxeak gazte zein heldu euskaldunei zuzendutako materialak (Euskara errazean bilduma) edo sakontasun handiagoko literatura lanak eskaintzen ditu.
Lehen aldia azokan Erroa argitaletxearentzat, irrikaz gaude zuen ekoizpena deskubritzeko!
Haria
Hilabetero, euskaraz argitaratuak diren liburu berrien artean bat hautatzen du Hariak eta zuen haurrari postaz bidaltzen. Haurraren adinari egokitako liburu bat eskuratzen du.
Azokan, Mirentxuren proiektu bikaina ezagutzeko aukera!
Hatsa
Senperen 1989an sortutako poesia elkartea da, eta helburua adierazpen artistikoaren bidez norbere burua ezagutzea da.
Urtero, Poesiaren Eguna ospatzen du hamarnaka poeta eta haurren poesia-bilduma batekin.
Hatsa elkarteak erakusketak, poesia tailerrak eta “Olerkarien Eguna” antolatzen ditu, euskarazko poemak mundu osoan irakurtzera gonbidatuz.
Bere bildumen, bideo poetikoen eta topaketen bidez, euskararen eta kulturaren maitaleen arteko loturak eraikitzen ditu.
Herrima
2005ean eratua, Herrimaren xede nagusia Euskal Herriaren memoria historikoa berreskuratzen laguntzea da.
Argitaletxearen jarduera Euskal Herriaren Askapen Nazionala lehentasun duten herri indar guziei begira egina da, argitaratutako liburuak lanabes aproposak izan daitezkeelakoan denen arteko hausnarketa eta eztabaida politiko zintzoa sustatzeko.
Herrima Atxik!-en egon da azokaren sorreratik! Mila esker Herrima, beti plazer handia da guretzat!
Lapurdi 1609
2009 sortu zen Lapurdi 1609 elkartea Senperen eta egoitza Amotzeko Larraldean kokatu zuen. Elkartearen xedea da Euskal Herriaren historia berreskuratzea, bertako ondarea zaintzea eta euskararen transmisioa sustatzea.
Horretarako, hainbat ekitaldi antolatzen ditu eta liburu batzuk ere argitaratu ditu.
Inharriaren ateak zabal-zabalik izango zaizkio bere ekoizpen eta proiektuak aurkezteko!
Maiatz
Luzien Etxezaharreta eta Itxaro Bordaren deialdi bati erantzunez talde bat osatu zuten Baionan Maiatz aldizkaria sortzeko 1981ean. Asmoa zen Ipar Euskal Herriko idazleei askatasun esparru bat eskaintzea. 1984az geroztik liburuak ere argitaratzen ditu, nagusiki euskaraz. “Maiatz solasaldiak” antolatzen ditu maiatzean.
Nabarralde
Nabarralde Nafarroako memoria kolektiboa berreskuratu eta ezagutaraztea helburu duen elkartea da. Izen berdineko aldizkaria ere argitaratzen du eta hainbat liburu ere argitaratuak ditu.
Nabarralde, herri ekimenaren burujabetasunetik sortutako erakunde soziala da, euskaldunon nafartasunetik subjektu politiko garenaren kontzientzia aktibatzea helburu duena.
Nabarralde, bigarrenez gurekin azokan, plazer izugarria!
Sare Antifaxista
2005ean sortutako Euskal Herriko erakunde antifaxista da. Faxismoaren aurkako borrokan formakuntza eta memoria historikoaren inguruko ezagutzak partekatuz dihardu Sare Antifaxistak.
Hainbat liburu argitaratu ditu euskaraz, gaztelaniaz, katalanez eta frantsesez, bereziki euskal milizia antifaxisten (1936-1939), nazioarteko brigaden, errepresioaren ingurukoak, edota Brecht, Mandel edo Dimitrov bezalako klasikoak.
Zortziko
Argitaletxe berezia da Zortziko. Jatorrizko, egiazko, sendo eta konpromisorik gabeko literatura-proiektuak biziarazten dituena. Eleberria, saiakera, komikia, jolasa, liburu-objektua edo panfletoa…
Apustuak hemen dira, talentuak hemen, energiak ere hemen. Gure lurralde berezia zeharkatzen duten egile eta lanak ezagutzera hurbildu.
Asymétrie
“Sorrerako” “sinkretismo ez akademiko” bati leial, itzulpen lanaren bidez, munduko gizarte-kritikaren mugarri, teoriko eta eragile ezezagun edo gaizki ezagunak ezagutarazten saiatzen dira Asymétrie argitaletxekoek.
Bout de la ville
Preso batek ez du bizirik lurperatua izan nahi, eremu kutsatu bateko biztanleak ebakuatu egin behar dira, administrazioak zapaldutako hazleak, minbizia duen eri batek ez du nahi ospitaleak bere bizi-amaiera konfiskatzea…
2012an, Fukushimako hondamendi nuklearra kontatzen duen liburua idatzi eta argitaratu zutenetik, Les Éditions du Bout de la ville argitaletxeak zazpi liburu idaztea lagundu eta argitaratzea ahalbidetu du.
Baldintza materialek, ustiatzeko baldintzek eta komunikazio digital orokortuek zaildu egiten dute ekoizpen hori; alta, arrazoi horiek berek dute egiten beharrezkoagoa dela liburu horiek idaztea eta argitaratzea pentsatzeko, bizitzeko eta zergatik ez, mundua aldatzeko.
Café Creed
Angulemako Arte Ederretan (1998) sortutako egile kolektiboa, Café Creed kolektiboak irudi bidezko narrazioa lantzen duena: komikia, ilustrazioa, animazioa. Independente eta kolektiboa, eremu grafiko berriak esperimentatzen ditu fanzine, haur-liburu (“Choco Creed”) eta erakusketa ibiltarien bidez.
2007tik Angulemako bi tailerretan egoitza hartuta, kolektiboak sorkuntza animaziora eta multimediara zabaltzen du orain.
Divergences
Gizarte eta politika kritikako liburuak argitaratzeko konpromisoa dute Divergences-ekoek. Egiletik errealitatera hurbiltzeko modua edozein dela ere, bizi garen mundua ulertzen eta ulergarri egiten saiatzen dira, bertan erresistentzia jartzen eta mundu berriak, ederragoak, bidezkoagoak eta desiragarriagoak irudikatzen laguntzeko.
entremonde
entremonde-k argitaletxea sistemaren disfuntzio-gune bihurtzen du, hondoetatik burgesiaren aurka jaurtitako paper-misil txikiak moldatuz. Kapitalen grazia eta errege diruaren monopolioei uko eginez, literatura-multzo honek bere argitaletxe-bidaia temati jarraitzen du ezarritako ordenaren aurka.
La Lenteur
La Lenteur argitalpenek industriaren aurkako testuak argitaratzea dute lan-ardatz, bai berrargitalpenak argitaratuz, bai nobedadeak. Izan ere, “ezaugarri komun bat dute: teknologia, inguruneko fatalismo politikoaren funtsezko iturritzat hartzea”.
iLatina
iLatina argitaletxe independentea da, Hego Amerikako sorkuntzaren aniztasuna aztertzen duten komikiak argitaratu eta hedatzen dituena.
Klasikotik eleberri grafikoraino, katalogoak Hego Amerikako gaur egungo dinamikak erakusten ditu. Argentinako “urre belaunaldia” eta narrazio grafikoaren egile latinoamerikar handiak omentzen ditu.
https://ilatina.fr
Miskin
Fanzineak, grabadurak, serigrafiak eta… humorea!
La Librairie du Muguet
Bordeleko elkarte gisa eratutako liburu-denda militantea da ideia anarkistak hedatzeko helburuarekin.
Argitaratzaile independente eta militanteen liburuak nabarmentzen ditu, eta topaketak, eztabaidak eta prentsa-mahaiak antolatzen ditu La Librairie du Muguet-eko lagunek.
Gehienbat mundua ikuspegi libertariotik pentsatzeko, hezteko, transmititzeko eta etorkizun alternatiborako bideak lantzeko aukera ematen duten gizarte-kritikako lanak eskaintzen ditu.
Nada
Nada argitaletxeak kritika eta historia sozialarekin lotutako saiakerak, eleberriak eta komikiak argitaratzen ditu anarkismoaren ikuspegitik.
Otium
Apachen eta garaituen testuak, ikusteari utzi behar geniekeen irudiak, azkenik begiratzen saiatzeko. Bizitzeko eta amesteko liburu baliagarriak sortzen ditu Otium argitaletxeak.
Petites singularités
Les Petites singularités argitaletxeak hainbat eremu jorratzen ditu ikuspegi libertario, emantzipatzaile, dekolonial eta transfeminista batetik..
- liburu eta software libreak argitaratzen ditu.
- hirugarren teknopaisaiako borrokan diharduten kolektiboak laguntzen ditu,
- gogoeta kritikora eta erresistentziako antolakuntzara gonbidatzen du,
- teknika kontuaren inguruko ezagutza praktiko lokalizatuak transmititu eta bilatzen ditu.
Réfractions
1997an sortua, Réfractions “ikerketeta eta adierazpen libertarioen” seihileko aldizkaria da.
Testuek pentsamendu libertarioaren oinarriak gure gizarteen eraldaketa azkarrekin alderatu nahi dituzte, haren ikuspegia berritzeko.
Zenbaki bakoitzak gai sakoneko monografiko bat proposatzen du, betiere ikuspegi libertariotik.
https://revue-refractions.net/frhttps://revue-refractions.net/fr
Le Sabot
Sabotajearen artea eta literatura…a ze ezkontza polita! 2017an sortu zen Le Sabot, eta sabotaje literario eta artistikoari eskainitako aldizkari eponimo baten inguruan eraiki den lagunartekoa da: munduan esku hartu eta pasibotasunik gabe esatea.
Smolny…
Smolny irabazi asmorik gabeko argitaletxe kolektiboa da, ondare kritikoko (Rosa Luxemburg) testu desagertuak berrargitaratzen ditu. Sektoreko kontzentrazio ekonomikoari uko eginez, independentzia kolektiboan eta tresna kritikoen jabetzan apustu egiten dute.
Tendances Négatives
Tendances Négatives, TN laburtua, 2012an hasi zen lanean Parisen.
Haien kontzeptua liburuekiko duten maitasunaren eta liburuak testuen euskarri huts gisa ez bezala ikusteko gogoaren arteko fusiotik dator.
Azken mendeetako literaturako klasiko handiak edo fantasiazko narrazio ilunagoak berreskuratuz, Tendances négatives-en ibilera irakurlearentzat esperientzia argitaragabea bihurtzea da. Idazleen hitzek beste indar bat hartzen dute idazki grafikoaren bidez, eta horretan bilakarazten ditugu. Maketazioa bultzatu edo jantzi egiten dugu, edukia baloratzeko. Tipografia, kolorea, testura, orrialdeak harridura sortzen du, atxikimendua.
Yeast Games
Yeast Games mahai-jokoak eta ikerketa-gaualdiak sortzen ditueb argitaletxea da.
Ekonomia lokal eta solidarioan txertatzen da, planeta eta langileak errespetatuz, sorkuntzatik jokoen mahairaino.
Andrea Bella García
Andrea Bella García haur hezkuntzako irakaslea, euskara irakaslea eta irudigilea da.
Jatorri euskaldunik ez izan arren, Andrea Bella García uruguaitarra euskaraz eta euskal kulturaz jabetu da. Euskarak zabaldu dizkio ateak parez-pare Euskal Herrian, eta argitalpenaren xede nagusia da gaurdaino euskararekiko egiten ari den bidaia ezagutaraztea.
Andreak ilustratutako bidaia-koadernoa proiektu pertsonala da, sketchbook gisara sortutakoa, maisuki!
Andrearen mintzaldia, martxoaren 28an, larunbatarekin, 16:00etan.
https://www.instagram.com/eguzkilore.ederra/
Auxtin Zamora
Auxtin Zamora poeta eta idazle gisa da batez ere ezaguna. Bost poema-bilduma argitaratu ditu. Halaber, Hatsa elkartearen (euskal poesia sustatzeko), Hatsaren Poesia bildumaren eta euskal literaturaren aldeko beste hainbat ekimenen bultzatzailea da.
Oraingoan, Senpereko kasik etxe guztien izenen bilduma bat proposatzen digu.
Jone Bordato
Jone Bordato 1984an sortu zen Hazparnen eta bertan bizi da gaur egun ere. Bitartean, Filosofia ikasi zuen Sorbonako Unibertsitatean eta terapia tradizional txinatarrak Bordelen, beste hainbat lekutan ibiltzeaz gain. AEKko irakaslea izana da, eta hauxe du lehenengo liburua.
Joneren mintzaldia, martxoaren 28an, larunbatarekin iraganen da, 18:00etan.
Kepa Etchandy
Kepa Etchandy, argazkilari profesionala, Euskal Herriaren arima islatzen duten argazki originalen egilea da. Nekaezina, eguraldi guztiekin ibiltzen da, Euskal Herriko zazpi probintzietako bide eta karriketan zehar. Denborarekin, ia 80.000 argazkiko irudi sorta oparoa osatu du.
Oraingoan, eleberri batekin datorkigu : Txapela buruan, ta ibili munduan (Éditions de la Rhune, 2026).
Kepa ikusteko aukera paregabea Atxik! azokan!
Mathieu Léonard
Mathieu Léonard kazetaria da eta historialaria formakuntzaz, L’émancipation des travailleurs, une histoire de la Première Internationale (La Fabrique, 2011) lanaren egilea da.
2024an, Atxik! azokan L’Ivresse des Communards (Lux, 2022) bere bigarren liburua aurkeztu bazigun, aurten bere lan berria deskubritzen ahalko dugu: Sobres pour la révolution. Les Anarchistes contre l’alcool (Nada, 2024).
Mahastizaina ere bada, ardo naturalaren ekoizlea : Potlatch, azokan dastatzekoa noski!
Sabin Oregi Zarautz
Sabin Oregi kazetari, argitaratzaile eta ikertzailea da, Informazio eta Komunikazio Zientzietan doktorea. Hainbat euskal hedabidetan kolaboratu du eta Eusko Ikaskuntzako Komunikabideen atala zuzendu du ere.
Nire olerki guztiak (Maiatz, 2026) liburuan, Sabin Oregik Txomin Peillen idazle zuberotarraren poema guztiak jaso ditu.
Aurten, azokan izango da Sabin, hots, azoka sortu denetik bezala, baina aldi honetan, ez, Dakit argitaletxea ordezkatzeko baizik eta bere liburua aurkezteko.
Ongi etorri azokara berriz ere Sabin!
https://www.linkedin.com/in/sabin-oregi-zarautz-324444153
Yohann Villanua
Aspe haranean sortu zen Yohann Villanua. Artearen alor askotan dabilen artista da: poeta, kontulari, abeslari, musikari, aktore, idazle eta baita artzain eta arrantzale ere. Topaketak eta arteen nahasketa gustatzen zaizkio, eta ez dio jarraitzen ezarritako muga edo etiketa artistikoei.
Atxik! azokan egongo da igandean Yohann bere eleberria aurkezteko : Un bouc à Mosku (Zortziko, 2025). Fikziozko lan honetan, Yohannek murgiltzen ditu irakurleak 1989an Irungo Mosku plazako giroan.